ანტონიო კონტე: „კვარაცხელია „ნაპოლიში“ რჩება“

„ნაპოლის“ ახალ მთავარ მწვრთნელ ანტონიო კონტეს განცხადებით, ხვიჩა კვარაცხელია ზაფხულის სატრანსფერო პერიოდში კლუბს არ დატოვებს.
„არავითარი ეჭვის საფუძველი არ არსებობს და ყველაფერი უკვე ნათელია. ხვიჩა კვარაცხელია „ნაპოლიში“ რჩება“ – იუწყება ცნობილი იტალიელი ჟურნალისტი ფაბრიციო რომანო ნეაპოლელთა თავკაცის ნათქვამს.
კვარაცხელიამ განვლილ სეზონში იტალიის ჩემპიონატში ჩატარებულ 34 მატჩში 11 გოლი გაიტანა და 6 საგოლე პასი გააკეთა. მან იტალიის თასზე 1 შეხვედრა ჩაატარა, რომელშიც თავი არ გამოუჩენია. გარდა ამისა, კვარაცხელიამ ჩემპიონთა ლიგაში ჩატარებულ 8 მატჩში 1 საგოლე გადაცემა შეასრულა.
მან მიმდინარე ევროპის ჩემპიონატზე პორტუგალიასთან 2:0 მოგებულ მატჩში ანგარიში გახსნა და საუკეთესო და საუკეთესო ფეხბურთელად დაასახელეს.
ლაშა თაბაგარი