ფაბიო კანავაროს „უდინეზე“ ჩააბარეს

ფაბიო კანავარო „უდინეზეს“ მთავარ მწვრთნელად დანიშნეს. იტალიის ეროვნული ნაკრების ყოფილმა კაპიტანმა კონტრაქტი 2024 წლის 30 ივნისამდე გააფორმა, რის შესახებ კლუბის პრესსამსახური იუწყება. 50 წლის სპეციალისტი ბოლოს სერია B-ს ბინადარ „ბენევენტოში“ მუშაობდა, რომლიდან გასული წლის თებერვალში დაითხოვეს.
მსოფლიო 2006 წლის ჩემპიონი და „ოქროს ბურთის“ მფლობელი კანავარო „ბენევენტომდე“ ჩინეთის „გუანჯოუს“, „ტიანძინს“, ჩინეთის ეროვნულ ნაკრებს და საუდის არაბეთის „ალ-ნასრს“ წვრთნიდა,
„უდინეზე“ 28 ქულით 20-გუნდიან სატურნირო ცხრილში მე-17 ადგილზეა და კანავაროს მიწვევის მთავარი მიზეზი გუნდისთვის სერია A-ში ადგილის შენარჩუნებაა.
ლაშა თაბაგარი