ხარაიშვილი კარიერას „ქოჯაელისფორში“ გააგრძელებს

გიორგი ხარაიშვილი თურქეთის რანგით მეორე ლიგის „ქოჯაელისფორში“ ჩაირიცხა. 28 წლის ნახევარმცველმა კლუბთან წელიწადნახევრიანი კონტრაქტი გაფორმა. ხარაიშვილი შარშან თბილისის „დინამოში“ გამოდიოდა და კრისტალბეთ ეროვნულ ლიგაში ჩატარებულ 31 მატჩში 8 გოლი გაიტანა.
ხარაიშვილმა კარიერა თბილისის „საბურთალოში“ დაიწყო, სადაც 4 სეზონი გამოდიოდა. ამის შემდეგ, მან შვედეთის „გიოტებორგს“ მიაშურა, რომელშიც სამი სეზონი დაჰყო, „გიოტებორგის“ მერე ხარაიშვილმა სამი სეზონი უნგრეთის „ფერენცვაროშში“ გაატარა.
ხარაიშვილს „ქოჯაელისფორში“ გიორგი ბერიძე დახვდა, რომელმაც 15 მატჩში 3 გოლი შეაგდო.
ლაშა თაბაგარი