საფეხბურთო კლუბ თბილისის “დინამოს” ახალი ტექნიკური სპონსორი უახლოესი სამი წლის განმავლობაში გერმანული Jako იქნებ. ამის შესახებ კლუბის პრესსამსახური იუწყება:
“დინამო თბილისი” მოახლოებულ სეზონს ახალი ტექნიკური პარტნიორით ხვდება. დედაქალაქურ გუნდსა და გერმანულ სპორტული ეკიპირების მწარმოებელ კომპანია Puma-ს შორის თანამშრომლობა დასრულდა. ახალი სეზონიდან კი, თბილისურ კლუბს ასევე გერმანული Jako შემოსავს.
მხარეებს შორის კონტრაქტი სამი წლის ვადით გაფორმდა. ხელშეკრულება დინამოს პირველ, მეორე და 19-წლამდე გუნდებს მოიცავს.
Jako-სთან ჩვენი კლუბი წარსულშიც თანამშრომლობდა. დინამო თბილისი აღნიშნული კომპანიის სპორტული ეკიპირებით 2001-2009 წლებში ასპარეზობდა”.
ლაშა თაბაგარი
