მსოფლიოს მოქმედი ჩემპიონის საფრანგეთის ეროვნული ნაკრების მთავარ მწვრთნელ დიდიე დეშამს მიაჩნია, რომ მთავარია მისი ფეხბურთელები ტიტულის შენარჩუნებისთვის საბრძოლველად მტკიცედ განეწყვნენ.
„ტიტულის დაცვა? თითოეული გუნდს თავისი გზა აქვს. მთავარია, რომ მოთამაშეები ამ მიზნის მისაღწევად მტკიცედ განეწყვნენ. თუმცა, ამჟამად მხოლოდ ავსტრალიასთან მატჩზე ვფიქრობთ და მისთვის ვემზადებით.
ვეტერანების არყოფნის გამო ლიდერები ვინ იქნებიან? თქვენი აზრით ეს როგორ ხდება? ამისთვის დროა საჭირო. ყოველთვის არიან უფრო გამოცდილი და უფროსი ასაკის მოთამაშეები, რომლებიც ზურგს გიმაგრებენ. ლიდერობა ეს უბრალო სიტყვა არაა. ის გამოცდილებასთან ერთად მოდის“ – განაცხადა პრესკონფერენციაზე დეშამმა, რომლის ხელმძღვანელობით ფრანგებმა რუსეთში 2018 წელს გამართული მუნდიალი მოიგეს.
საფრანგეთის ნაკრები კატარში მიმდინარე მსოფლიო პირველობაზე ჯგუფში ავსტრალიას, დანიას და ტუნისს დაუპირისპირდება.
