მამარდაშვილის სასტარტო “ვალენსიაში” და გამარჯვება “კარტახენასთან”

გიორგი მამარდაშვილმა ესპანეთის “ვალენსიას” შემადგენლობაში პირველი მატჩი ჩაატარა.

ვალენსიელებმა ლა ლიგაში ახალი სეზონის დაწყების წინ, მორიგი ამხანაგური მატჩი რანგით მეორე ლიგის წარმომადგენელ “კარტახენასთან” ჩაატარა და 3:2 გაიმარჯვა.

“ვალენსიას” მთავარმა მწვრთნელმა ხოსე ბორდალასმა 20 წლის ქართველს კარში ადგილი პირველი წუთიდან ანდო და მატჩის ბოლომდე არ შეუცვლია.

შეხვედრის პირველი ტაიმი უგოლოდ დასრულდა. 48-ე წუთზე სტუმრებიდან ანგარიში რუბენ კასტრომ გახსნა, ხოლო რუსმა ჩერიშევმა 56-ე წუთზე საპასუხო გოლი გაიტანა. 59-ე წუთზე მასპინძლები ალდერეტემ დააწინაურა. 65-ე წუთზე, “ვალენსიადან” პენალტი ხასონმა გაიტანა. 81-ე წუთზე, “კარტახენადან” თავი ედუმ გამოიჩინა.

შეგახსენებთ, რომ მამარდაშვილის დებიუტი “ვალენსიაში” 22 ივლისს საბერძნეთის “ატრომიტოსთან” (3:0) მატჩში შედგა.