საქართველოს დავით ყიფიანის სახელობის თასის მოქმედმა მფლობელმა „გაგრამ“ ორი ახალი ფეხბურთელი დაიმატა.
კრისტალბეთ ეროვნული ლიგის ლიდერის პრესსამსახურის ინფორმაციით, გუნდს იჯარით ნახევარმცველები – გაგა გაზდელიანი და გიორგი გვიშიანი დაემატნენ.
ორივე ფეხბურთელი „გაგრაში“ მიმდინარე სეზონის ბოლომდე დარჩება.
გაზდელიანმა მიმდინარე სეზონი კრისტალბეთ ეროვნულ ლიგაში მოასპარეზე წყალტუბოს „სამგურალში“ დაიწყო, სადაც 4 მატჩი ჩაატარა,.
გვიშიანს რაც შეეხება, ის თბილისის „დინამო 2“-ში გამოდიოდა.
შეგახსენებთ, რომ “გაგრა” ივლისიდან კონფერენს ლიგაში ითამაშებს, სადაც მონტენეგროს “სუტიესკას” დაუპირისპირდება.
გაგა კირკიტაძის შეგირდები 8 ივლისს მატჩს თბილისში ჩაატარებენ, ხოლო 15 ივლისს – სტუმრად.
