ნიკა სიჭინავამ უკრაინის პრემიერ ლიგაში მორიგი შედეგიანი მატჩი ჩაატარა.
„ინგულეცი“, სადაც ქართველი თავდამსხმელი გამოდის, სტუმრად დონეცკის „ოლიმპიკს“ შეხვდა და 3:0 დაამარცხა.
სიჭინავამ შეუცვლელად ითამაშა და 33-ე წუთზე მისი პასით ყანაკოვმა ანგარიში გახსნა, ხოლო 48-ე წუთზე მეტოქის კარი თავად აიღო. „ინგულეციდან“ 87-ე წუთზე თავი შევცოვმა გამოიჩინა.
26 წლის ფეხბურთელი უკრაინის პრემიერ ლიგაში სადებიუტო სეზონს ატარებს და 20 მატჩში 6 გოლი გაიტანა.
„ოლიმპიკის“ სასტარტოში ნახევარმცველი თემურ ჩოგაძე იყო, რომელიც მე-9 წუთზე გააფრთხილეს, ხოლო 64-ე წუთზე შეცვალეს.
„ინგულეცს“ 23 ქულა აქვს და პრემიერ ლიგაში ადგილი შეინარჩუნა. „ოლიმპიკი“ 21 ქულით 14-გუნდიან ჩემპიონატში ბოლოსწინაა.
