ყაზანის „რუბინმა“ რუსეთის პრემიერ ლიგის 24-ე ტურში თავის მოდანზე „სოჩი“ ხვიჩა კვარაცხელიას მიერ გატანილი ერთადერთი გოლით დაამარცხა.
საქართველოს ნაკრების გარემარბი თამაშში 46-ე წუთზე ჩაერთო და 72-ე წუთზე შორი მანძილიდან უძლიერესი დარტყმით ეფექტური გოლი გაიტანა.
ხვიჩა კვარაცხელია:“ძალიან დადებითი ემოცია მაქვს, რადგან გუნდმა გაიმარჯვა და კარგი გოლი გავიტანე. ჩემთვის ეს ძალიან კარგია“.
-ლეონიდ სლუცკიმ თამაშის მერე რა გითხრათ?
-მან მომილოცა. თამაშამდე მითხრა, რომ გოლს გავიტანდი და ასეც მოხდა.
-გამარჯვების შემდეგ გასახდელში როგორი ატმოსფერო იყო?
-გასახდელში ყოველთვის ძალიან პოზიტიური ატმოსფეროა, რადგან ერთი გუნდი და ოჯახი ვართ.
-სასტარტო შემადგენლობაში რატომ არ იყავით?
-ლეონიდ ვიქტოროვიჩს ვესაუბრა და უკეთესი იქნებოდა თუ პირველ ტაიმში დავისვენებდი, რადგან ნაკრებში ვითამაშე და შემდეგ შორ მანძილზე ფრენა მომიწია.
-ჯერ ესპანელებს გაუტანეთ, შემდეგ ბერძნებს და ახლა „სოჩის“. ამას როგორ ახერხებთ?
-არ ვიცი, ვმუშაობ. მადლობა ღმერთს, რომ ამის საშუალებას მაძლევს.
