ინგლისის პრემიერლიგის მორიგ ტურში ,,მანჩესტერ სიტიმ” ,,შეფილდს” უმასპინძლა და 2:0 დაამარცხა. ,,ქალაქელთა” ესპანელმა მთავარმა მწვრთნელმა პეპ გვარდიოლამ პრემიერლიგაში საიუბილეო, მეასე გამარჯვება იზეიმა.
გვარდიოლას ასი თამაშის მოსაგებად მხოლოდ 134 მატჩის ჩატარება დასჭირდა, რაც ინგლისის ჩემპიონატის ყველა დროის საუკეთესო შედეგია. აქამდე რეკორდი ,,ტოტენჰემის” ამჟამინდელ პორტუგალიელ მთავარ მწვრთნელს ჟოზე მოურინიოს ეკუთვნოდა, რომელმაც მეასე მოგება 142-ე შეხვედრაში გაიფორმა.
პირველ ხუთეულში ასევე გერმანელი იურგენ კლოპი (159), შოტლანდიელი სერ ალექს ფერგიუსონი (162) და ფრანგი არსენ ვენგერი (179) არიან.
