გულიაშვილი აპრილში „რასინგში“ საუკეთესოა

გიორგი გულიაშვილი აპრილის თვეში სანტანდერის „რასინგის“ საუკეთესო ფეხბურთელად დაასახელეს. ესპანური კლუბის ვებგვერდზე ჩატარებულ გამოკითხვაში, საქართველოს ეროვნული ნაკრების ფორვადმა ყველაზე მეტი ხმა მიიღო.
მან აპრილში ესპანეთის სეგუნდა დივიზიონში ჩატარებულ 5 შეხვედრაში 4 გოლი გაიტანა. გიორგიმ მე-40 ტურში „ვალიადოლიდთან“ შინ 4:1 მოგებულ მატჩში კოჭი მოიტეხა და თვენახევარი მოედანზე ვერ გავა.
გულიაშვილი „რასინგში“ მიმდინარე წლის ზამთარში ბოსნიის „სარაევოდან“ გადავიდა და ჩემპიონატში ჩატარებულ 17 მატჩში 6 გოლი გაიტანა, პლუს 2 საგოლე პასი გააკეთა. „რასინგი“ მომავალ სეზონში ესპანეთის ლა ლიგაში ითამაშებს.
ლაშა თაბაგარი