ხაბი ალონსო აგვისტოში ლა ლიგაში საუკეთესოა

მადრიდის „რეალის“ თავკაცი ხაბი ალონსო აგვისტოში ესპანეთის ჩემპიონატის საუკეთესო მწვრთნელად დაასახელეს. ამის შესახებ ლა ლიგის ოფიციალური ვებგვერდი იუწყება.
ესპანელმა სპეციალისტმა თავის სადებიუტო სეზონში „რეალს“ ზედიზედ სამი შეხვედრა მოაგებინა – „ოსასუნასთან“ (1:0), „ოვიედოსთან“ (3:0) და „მალიორკასთან“ (2:1). მან გამოკითხვაში ბილბაოს „ატლეტიკის“ დამრიგებელ ერნესტო ვალვერდეს და „ესპანიოლის“ მწვრთნელ მანოლო გონსალესს აჯობა.
„რეალი“ 9 ქულით სატურნირო ცხრილში პირველ ადგილზეა და მოდევნო შეხვედრას 13 სექტემბერს სტუმრად „რეალ სოსიედადთან“ ჩაატარებს.
ლაშა თაბაგარი