თბილისის “დინამომ” თურქულ შეკრებაზე ამხანაგური მატჩები დაგეგმა

ხუთი დღეა რაც დედაქალაქური “დინამო” დიღმის ბაზაზე შეიკრიბა და ახალი სეზონისთვის მზადება დაიწყო. ანდრეს კარასკოს გაწვრთნილი გუნდი 27 იანვრამდე თბილისში გაივლის შეკრებას და ორ ტესტ მატჩს გამართავს – 20 იანვარს “ლოკომოტივთან”, ხოლო 25 იანვარს “თელავთან”.

27 იანვრიდან მზადების მეორე ეტაპს “დინამო” თურქეთში გაივლის, სადაც 20 თებერვლამდე დარჩება და ხუთ ამხანაგურ შეხვედრას ჩაატარებს. თბილისელები 31 იანვარს პრაღის “ბოჰემიანსს” (ჩეხეთი) შევხვდებიან, 4 თებერვალს – ლუგანსკის “ზორიას” (უკრაინა), 8 თებერვალს- ლატვიის “ვალმიერას”, 13 თებერვალს – კიევის “დინამოს” (უკრაინა), ხოლო 19 თებერვალს – მოლდოვურ “ბელცის”.

“დინამო”თურქული შეკრებიდან თბილისში დაბრუნდება და ჩემპიონატის გახსნამდე, რომელიც 1 მარტსაა დაგეგმილი, ადგილზე მოემზადება.
ლაშა თაბაგარი