ალთუნაშვილი ისრაელში ითამაშებს

სანდრო ალთუნაშვილი კარიერას ისრაელის უმაღლესი ლიგის წარმომადგენელ ჰაიფას „ჰაპოელში“ განაგრძობს. 28 წლის ნახევარმცველმა ებრაულ კლუბთან კონტრაქტი მიმდინარე სეზონის ბოლომდე გააფორმა. ისრაელის ჩემპიონატში ჩატარებული 15 ტურის შემდეგ, „ჰაპოელი“ 18 ქულით 14-გუნდიან სატურნირო ცხრილში მე-8 ადგილზეა.
ავსტრიის „ვოლფსბერგში“ გატარებული ორი სეზონის შემდეგ, ალთუნაშვილი მიმდინარე წლის სექტემბერში თბილისის „იბერიაში“ დაბრუნდა და კრისტალბეთ ეროვნულ ლიგაში ჩატარებულ 12 მატჩში 3 საგოლე პასი გააკეთა. მან საქართველოს დავით ყიფიანის სახელობის თასზე 3-ჯერ ითამაშა. ალთუნაშვილმა „იბერიასთან“ ერთად საქართველოს ჩემპიონობა მოიგო და თასის ფინალში გავიდა, სადაც თბილისელები გორის „დილასთან“ დამარცხდნენ.
ლაშა თაბაგარი