ტუდორი „იუვენტუსიდან“ გაუშვეს

იგორ ტუდორი ტურინის „იუვენტუსის“ მთავარი მწვრთნელის თანამდებობიდან დაითხოვეს, რის შესახებ იტალიური გრანდის პრესსამსახური იუწყება. ის გუნდს მიმდინარე წლის მარტიდან ავარჯიშებდა. ახალი თავკაცის დანიშვნამდე ტურინელებს მასიმო ბრამბილა ავარჯიშებს.
იტალიის სერია A-ს ბოლო სამ მატჩში „იუვენტუსმა“ „კომოსთან“ (0:2) და „ლაციოსთან“ (0:1) წააგო, ხოლო „მილანთან“ 0:0 ითამაშა. ჩემპიონთა ლიგაში ტურინული გუნდი სტუმრად მადრიდის „რეალთან“ 0:1 დამარცხდა. „ბებერ სინიორას“ 13 სექტემბრის შემდეგ ყველა ტურნირში ვერცერთი მატჩი მოიგო – 5 ფრე და 3 წაგება.
ტუდორი „იუვენტუსამდე“ ხორვატულ „ჰაიდუკს“, ბერძნულ პაოკს, თურქულ „ქარაბუქსფორს“ და „გალათასარაის“ , იტალიურ „ვერონას“, „უდინეზეს“ და „ლაციოს“, ასევე ფრანგულ „მარსელს“ ავარჯიშებდა.
ლაშა თაბაგარი