„ვულვზმა“ მთავარი მწვრთნელი დაითხოვა

„ვულვერჰემპტონის“ ხელმძღვანელებმა მთავარი მწვრთნელის თანამდებობიდან ბრუნუ ლაჟე დაითხოვეს, რის შესახებ კლუბის პრესსამსახური იუწყება.
პორტუგალიელი სპეციალისტი გუნდს 2021 წლის ივნისიდან ხელმძღვანელობდა და გასულ სეზონში გუნდმა ინგლისის პრემიერ ლიგაში მე-10 ადგილი დაიკავა.
„ვულვზმა“ ზედიზედ ორი თამაში წააგო – 5 გოლი გაუშვა და არცერთი გაიტანა. ლაჟეს თავკაცობით „მგლებმა“ 8 მატჩში 6 ქულა დააგროვა და 20-გუნდიან სატურნირო ცხრილში მე-18 პოზიციაზეა.