გენუის „სამპდორიას“ ახალი მთავარი მწვრთნელი ჰყავს.
გენუელთა პრესსამსახურის ინფორმაციით, გუნდი რობერტო დეავერსამ ჩაიბარა, რომელმაც 2-წლიანი კონტრაქტი გააფორმა.
ის გასული სეზონის მეორე ნახევარში „პარმას“ ხელმძღვანელობდა, რომელის იტალიის სერია A-დან გავარდა.
აღსანიშნავია, რომ დეავერსა „პარმაში“ მანამდეც მუშაობდა – 2016-2020 წლებში.
„სამპდორიამ“ 2020-2021 წლების სეზონში იტალიის ჩემპიონატში მე-9 ადგილი დაიკავა და გუნდის აწ უკვე ყოფილმა თავკაცმა კლაუდიო რანიერიმ კონტრაქტის გახანგრძლივება იუარა.
