ბორჯღალოსნების 23-კაციანი შემადგენლობა სამოასთან

0
74

ბორჯღალოსნების სამწვრთნელო შტაბმა 17 ნოემბერს სამოასთან გასამართი თიბისი რაგბის სერიების ტესტისთვის 23-კაციან განაცხადში სამი დებიუტანტი შეიყვანა – თედო აბჟანდაძე მოედანზე პირველივე წუთებიდან გავა, ხოლო გურამ გოგიჩაშვილი და ბექა გიგაშვილი თამაშში მარქაფიდან ჩაერთვებიან.

უცვლელი შერკინებით
10 ნოემბერს ფლორენციაში, „არტემიო ფრანკიზე“ ნათამაშები შემადგენლობიდან მილთონ ჰეიგმა შერკინება უცვლელი დატოვა: პირველ ხაზში მიხეილ ნარიაშვილს, ჯაბა ბრეგვაძეს და დუდუ ქუბრიაშვილს ვიხილავთ; მეორეში ნოდარ ჭეიშვილი და ლაშა ლომიძე შეწყვილდებიან; ხოლო მესამე ხაზში ოთარ გიორგაძე, გიორგი ცუცქირიძე და ბექა გორგაძე გაირჯებიან.
ორი ცვლილება და ერთი გადაადგილებაა ხაზში. სოსო მათიაშვილი იტალიასთან მატჩში დაშავდა, სამოას წინააღმდეგ ვერ ითამაშებს და ფულბეკად ლაშა ხმალაძე გადაინაცვლებს, რომელიც ამპლუით მგეზავია. 10 ნომრის პოზიციაზე 19 წლის თედო აბჟანდაძე დადგება, რომელსაც ეროვნულ გუნდში დებიუტი ექნება. ცენტრში კვლავ თამაზ მჭედლიძისა და მერაბ შარიქაძის დუეტს ვიხილავთ, ფრთაზე თავის მესამე კეპს მოიხვეჭს ზურაბ ძნელაძე, ხოლო მეორე ფრთაზე გიორგი კოშაძის ნაცვლად გიორგი კვესელაძეს ვიხილავთ, რომელმაც ფლორენციაში შეცვლაზე ითამაშა.

ორი დებიუტანტი მარქაფაში
სამი ახალი სახეა მარქაფაში და ორი მათგანი დებიუტანტია. ორივე ბურჯია: 26 წლის ბექა გიგაშვილი ‘გრენობლთან’ ერთად ტოპ 14-ში წელს აღზევდა, პირველსავე სეზონში 6 მატჩში მიიღო მონაწილეობა, ერთი ლელო გაიტანა და ორჯერ მოხვდა სიმბოლურ ნაკრებში. ტოპ 14-ში პირველ სეზონს ატარებს 20 წლის გურამ გოგიჩაშვილი, რომელმაც აბჟანდაძის დარად თავი უმცროს ბორჯღალოსნებში (20-წლამდელები) თამაშით გამოიჩინა, პარიზულ კლუბში თბილისის ‘ლოკომოტივიდან’ წელს გადავიდა, ახალ გუნდში სწრაფადვე დამკვიდრდა და ტოპ 14-ის 7 მატჩის გარდა, ორჯერ ჩემპიონთა თასზეც ითამაშა.
კვაჭის პოზიციაზე თადარიგში ამჯერადაც შალვა მამუკაშვილია, მეორე ხაზში შალვა სუთიაშვილი, ხოლო მესამეში ბექა ბიწაძე შევა. 9 ნომრის შეცვლა გელა აფრასიძეა, ცენტრში ლაშა მალაღურაძე გამოჩნდება, ხოლო კიდევ ერთი უკანახაზელი ანზორ სიჭინავაა, რომელსაც იტალიასთან არ უთამაშია.
დებიუტანტების გარდა, სამოასთან მატჩი ღირშესანიშნავი კიდევ ოთხი ბორჯღალოსნისთვისაა: თამაზ მჭედლიძე სამოასთან 50-ე კეპს მოიხვეჭს, შალვა მამუკაშვილი მე-60-ეს, ხოლო სიჭინავასთვის და აფრასიძესთვის ეს მე-10 სანაკრებო თამაში იქნება.

საქართველოს ბორჯღალოსნები

– სამოა  |  შემოდგომის II ტესტი

No სახელი და გვარი კლუბი დაბ ბრჯ მონაგარი
უკანა ხაზი [ბექები]
15 ლაშა ხმალაძე ბათუმი [საქ დ 10] 1988

67

 8ლ 4გ [48 ქ]
14 გიორგი კვესელაძე მარნეულის არმაზი [საქ დ 10] 1997 12 3ლ
13 მერაბ შარიქაძე^კაპ ორიაკ [სფრ პრო დ2] 1993 58 11ლ [11 კაპ]
12 თამაზ მჭედლიძე აჟენ [სფრ ტოპ 14] 1993 49 7ლ სბ
11 ზურაბ ძნელაძე ლოკომოტივი [საქ დ 10] 1992 2 :
10 თედო აბჟანდაძე ქუთაისის აია [საქ დ 10] 1999 0 :
9 ვასილ ლობჟანიძე ბრივ [სფრ პრო დ2] 1996 37 5ლ
შერკინება [ფორვარდები]
1 მიხეილ ნარიაშვილი მონპელიე [სფრ ტოპ 14] 1990 52 2ლ სბ
2 ჯაბა ბრეგვაძე სან’ვულვზ [იაპ ზე 15] 1987 52 2ლ 3სბ
3 დუდუ ქუბრიაშვილი გრენობლ [სფრ ტოპ 14] 1986 46

2ლ წბ 2სბ
4 ნოდარ ჭეიშვილი ქორნიშ პაირათს [ინგ ჩემპ] 1990 16 :
5 ლაშა ლომიძე ორიაკ [სფრ პრო დ2] 1992 42 6ლ + 2შ სბ
6 ოთარ გიორგაძე ბრივ [სფრ პრო დ2] 1996 15 2ლ
7 გიორგი ცუცქირიძე ორიაკ [სფრ პრო დ2] 1996 11 2სბ
8 ბექა გორგაძე

ბორდო [სფრ ტოპ 14]

 1996 12 5ლ სბ
მარქაფა [თადარიგი]
23 ანზორ სიჭინავა ბათუმი [საქ დ 10] 1995 9 3ლ სბ
22 ლაშა მალაღურაძე კრასნი იარ [რუს სუპერ] 1986 88 4ლ 40გ 25ჯ 3ა [184 ქ] 2სბ
21 გელა აფრასიძე მონპელიე [სფრ ტოპ 14] 1998 9 :
16 შალვა მამუკაშვილი ენისეი [რუს სუპერ] 1990 59 5ლ სბ
17 გურამ გოგიჩაშვილი რასინგ [სფრ ტოპ 14] 1998 0 :
18 ბექა გიგაშვილი გრენობლ [სფრ ტოპ 14] 1992 0 :
19 შალვა სუთიაშვილი ანგულემ [სფრ პრო დ2] 1984 70 2ლ [15 კაპ] 3სბ

20

 ბექა ბიწაძე ნარბონ [სფრ ფედ1] 1991 27

6ლ + 3შ

მსგავსი სტატიებიავტორის მეტი სტატია