გიორგი აბურჯანია „ჟილ ვისენტეს“ სასტარტო შემადგენლობაში ისევ ვერ მოხვდა.
პორტუგალიის პრიმეირა ლიგის მე-9 ტურში „ჟილ ვისენტემ“ „ბრაგა“ მიიღო და მინიმალური ანგარიშით დამარცხდა.
სტუმრებმა ერთადერთი გოლი მე-4 წუთზე გაიტანეს. საქართველოს ეროვნული ნაკრების ნახევარმცველი თამაშში 83-ე წუთზე ჩაერთო.
ის გუნდს ზაფხულში შეუერთდა და პორტუგალიის ჩემპიონატში ხუთჯერ ითამაშა და მოედანზე პირველი წუთიდან ჯერ არ ყოფილა.
მან სასტარტოში ერთადერთი თამაში პორტუგალიის თასზე ჩაატარა.