მამუკელაშვილი საუკეთესოა!

ეს მოხდა ტორონტოში, “რეპტორზმა” 107:100 დაამარცხა “იუტა ჯაზი” და სანდრომ 30 წუთში 20 ქულა, 6 მოხსნა და ერთი ჩაჭრა მიითვალა. 4 სამქულიანის, 4 საჯარიმოს და 2 ორიანის ჩასაგდებად სანდროს მთლიანობაში 13 სროლა დასჭირდა, რაც გამორჩეული შედეგია.

30-21 ბალანსით “ტორონტო” აღმოსავლეთ კონფერენციაში მეხუთე ადგილზეა და შემდეგ მატჩს 5 თებერვალს, “მინესოტას” წინააღმდეგ გამართავს.

ზედიზედ 3-მატჩიანი უქმობის შემდეგ გოგა ბითაძემ “სან ანტონიოს” წინააღმდეგ 9 წუთი ითამაშა. მის ანგარიშზე 4 ქულა და 2 მოხსნა იყო. “ორლანდო მეჯიქი” “სან ანტონიოსთან” 103:112 დამარცხდა.