ზარიას დებიუტი ჩემპიონთა ლიგაში „რეალთან“ შედგა

გიორგი ზარიამ კარიერაში თავისი პირველი თამაში ჩემპიონთა ლიგაში მადრიდის „რეალთან“ ჩაატარა. ლიგის ფაზის მეორე ტურში ალმათის „ქაირათმა“, სადაც ქართველი შემტევი ნახევარმცველი თამაშობს, შინ მადრიდის „რეალთან“ 0:5 განადგურდა.
ტრავმამოშუშებული ზარია თამაშში მე-80 წუთზე ჩაერთო, როდესაც ესპანური გრანდი 3:0 იგებდა. ყაზახეთის ჩემპიონის რბევა კილიან მბაპემ დაიწყო, როდესაც 25-ე წუთზე პენალტი გაიტანა. 52-ე წუთზე მბაპემ მასპინძლების კარი მეორედ აიღო, ხოლო 74-ე წუთზე ჰეთ-თრიქი შეასრულა.
83-ე წუთზე კამავინგამ თავით გაუტანა „ქაირათს“, ხოლო ძირითადი დროსთცის დამატებულ მე-3 წუთზე საბოლოო წერტილი ბრაიმ დიასმა დასვა.
„ქაირათი“ ჩემპიონთა ლიგაში მომდევნო შეხვედრას 21 ოქტომბერს სახლში კვიპროსის ჩემპიონ „პაფოსთან“ ჩაატარებს.
ლაშა თაბაგარი