ბათუმის „დინამომ“ ბოსნიელი დაიმატა

ბათუმის „დინამოში“ ბოსნიელი ნახევარმცველი ამარ ბეგიჩი ითამაშებს, რის შესახებ კლუბის პრესსამსახური იუწყება.
25 წლის ფეხბურთელი ბოლო ორი სეზონის განმავლობაში თურქეთის რანგით მეორე ლიგაში მოასპარეზე „სანლიუსფორში“ გამოდიოდა, სადაც ჩატარებულ 45 მატჩში 3 გოლი გაიტანა და ამდენივე საგოლე პასი გააკეთა.
ბეგიჩი 2023 წელს „თელავში“ გამოდიოდა და კრისტალბეთ ეროვნულ ლიგაში 17-ჯერ ითამაშა, მეტოქის კარი კი ერთხელ აიღო.
მანამდე, ის სამშობლოში „მლადოსტსა“ და „ბორაცში“ გამოდიოდა.
ლაშა თაბაგარი