მამარდაშვილის სასტარტო „ნოტინგემთან“ და „მშრალი“ მატჩი

გიორგი მამარდაშვილმა ესპანეთის ლა ლიგაში ახალი სეზონის დაწყებამდე „ვალენსიაში“ კიდევ ერთი ამხანაგური მატჩი ჩაატარა. იტალიელი ჯენარო გატუზოს გაწვრთნილები სტუმრად ინგლისის „ნოტინგემ ფორესტს“ შეხვდნენ, რომელიც პრემიერ ლიგაში 23-წლიანი პაუზის შემდეგ დაბრუნდა.
საქართველოს ეროვნული ნაკრების მეკარე სასტარტო შემადგენლობაში იყო და 66-ე წუთზე შეცვალეს. მას გოლი არ გაუშვია. „ვალენსიამ“ ანგარიში 43-ე წუთზე კარლო სოლერის დარტყმის შემდეგ გახსნა. „ნოტინგემიდან“ 83-ე წუთზე თავი ჯონსონმა გამოიჩინა.