გუგეშაშვილი ჩემპიონთა ლიგის მესამე საკვალიფიკაციო ეტაპზე გავიდა

აგდამის „ყარაბაღი“, რომელშიც მეკარე ლუკა გუგეშაშვილი ირიცხება, ჩემპიონთა ლიგის მესამე საკვალიფიკაციო ეტაპზე გავიდა.
აზერბაიჯანულმა გუნდმა პირველ მატჩში შვეიცარიის „ციურიხი“, რომელშიც აკაკი გოგია გამოდის, შინ 3:2 დაამარცხა, ხოლო საპასუხო შეხვედრა ფრედ დაასრულა და მე-3 საკვალიფიკაციო ეტაპზე ითამაშებს.
შვეიცარიაში ჩატარებულ პირველ მატჩში ანგარიში მედვედევის ავტოგოლით გაიხსნა. 56-ე წუთზე საპასუხო ბურთი კადუმ გაიტანა. ძირითადი დროსთვის დამატებულ მე-5 წუთზე „ციურიხი“ სანტინიმ დააწინაურა და ექსტრა ტაიმები დაინიშნა. 98-ე წუთზე „ყარაბაღიდან“ თავი ოვუსუმ გამოიჩინა და თავისი გუნდი მომდევნო ეტაპზე გაიყვანა.
გუგეშაშვილი სათადარიგო იყო და არ უთამაშია, ისევე როგორც გოგიას.