რუსეთის პრემიერლიგის ლეგიონერებს კონტრაქტის გაწყვეტის უფლება მისცეს

0
15

მსოფლიო ფეხბურთის მმართველმა ორგანიზაცია ფიფა-მ რუსეთში მოთამაშე ლეგიონერებს უფლება მისცა, დროებით შეაჩერონ რუსულ კლუბებთან მოქმედი კონტრაქტები და სხვა გუნდებში გადავიდნენ.
ეს გამონაკლისი რუსეთში მომუშავე მწვრთნელებსაც შეეხებათ. ფეხბურთელებს ახალ კლუბებთან ყოველგვარი ჯარიმის გარეშე შეეძლებათ ხელშეკრულების გაფორმება. გამონაკლისი 30 ივნისამდე იმოქმედებს.
კლუბებს რუსეთიდან წამოსული ფეხბურთელების გაფორმებამდე კი 7 აპრილამდე შეეძლებათ. ეს წესი იმოქმედებს უკრაინაშიც, რადგან ქვეყნის უმეტეს ტერიტორიაზე საბრძოლო მოქმედებები მიმდინარეობს.
“წესის დროებითი ცვლილება გამოწვეულია არაორდინარული სიტუაციით, რომელიც გამოწვეულია უკრაინაში ომით”, – წერია ფიფა-ს განცხადებაში.
რუსეთის მთავარ საფეხბურთო ლიგაში 120 ლეგიონერი თამაშობს, მათ შორის 6 ქართველი ფეხბურთელია – ხვიჩა კვარაცხელია (“რუბინი”), ჯიმი ტაბიძე (“უეფა”), ზურიკო დავითაშვილი (“არსენალი”), გია გრიგალავა (“ხიმკი”), ლუკა წულუკიძე (“ურალი”) და ლუკა გაგნიძე (“ურალი”).