ქართველი მოთამაშისა და კომისრის გზები პოლონეთში გადაიკვეთება

0
16

ფიბა-ევროპამ და ვი-თი-ბი ლიგამ 2021 წლის ბოლო მატჩების მომსახურე პერსონალი დანიშნა. საქმეში არიან 2  ქართველი მსაჯი და ერთიც კომისარი, რომლებიც ქალთა ევროპის თასისა და ვი-თი-ბი ლიგის მატჩებს მოემსახურებიან.
აღსანიშნავია, რომ ვი-თი-ბი ლიგის მატჩში, რომელიც პოლონეთში, 20 დეკემბერს გაიმართება, ქართველი კომისრისა და მოთამაშის გზები გადაიკვეთება. “ზელენა გორა” მოსკოვის ცსკა-ს მასპინძლობს და ამ მატჩს მოემსახურება ფიბა-ს ერთადერთი ქართველო კომისარი მერაბ რატიშვილი. მოსკოვის ცსკა-ში კი, მოგეხსენებათ, საქართველოს ნაკრების კაპიტანი თორნიკე შენგელია თამაშობს.
მაკა კუპატაძეს 22 დეკემბერს მოუწევს მსაჯობა თურქეთის დედაქალაქ ანკარაში, სადაც ქალთა ევროპის თასის მატჩში ერთმანეთს ადგილობრივი “გენჩლიკი” და რუმინული “სეპსი” დაუპირისპირდებიან. კირილე თვაურიც  თურქეთში, ამავე საკლუბო ტურნირის მატჩზე გაამწესეს: “მერსინი” ესპანური “გერნიკას” წინააღმდეგ.
მაკა კუპატაძე (მსაჯი)
ქალთა ევროპის თასი. 22 დეკემბერი. ანკარა (თურქეთი)
ორმან გენჩლიკი (ანკარა, თურქეთი) – სეპსი (სფანტუ-გეორგე, რუმინეთი)
კირილე თვაური (მსაჯი)
ქალთა ევროპის თასი. 22 დეკემბერი. მერსინი (თურქეთი)
მერსინი (თურქეთი) – გერნიკა (ესპანეთი)
მერაბ რატიშვილი (კომისარი)
ვთბ-ლიგა. 20 დეკემბერი. ზელიონა გურა (პოლონეთი)
ზელიონა გურა (პოლონეთი) – ცსკა (მოსკოვი, რუსეთი)