ხვიჩა კვარაცხელია მიმდინარე სეზონში სპორტული კვლევების საერთაშორისო ცენტრის (CIES) მიერ 33 ეროვნული ჩემპიონატის ყველა აქტიურ დრიბლიორების ათეულში მოხვდა, რომელიც InStat-მა შეადგინა.
ათეული დრიბლინგის ინდექსითაა შედგენილი – 100 სათამაშო წუთის განმავლობაში ფეხბურთელმა საშუალოდ რამდენჯერ მოახერხა მეტოქისთვის გვერდის ავლა.
ყველაზე მაღალი შეფასება ესპანეთის ნაკრების თავდამსხმელმა ადამა ტრაორემ მიიღო, რომელიც „ვულვერჰემპტონში“ გამოდის – 11,2.
მეორე ადგილზე „უნივერსიდად დე ჩილის“ არგენტინელი ლეგიონერი ნაულ ლუანი (9,7) გავიდა, ხოლო მესამეზე – ცსკას ნიგერიელი თავდამსხმელი ჩიდერა ეჯუკე (9,3).
საქართველოს ეროვნული ნაკრების გარემარბი ხვიჩა კვარაცხელია ჩამონათვალში მე-7 ადგილზეა – ის მიმდინარე სეზონში მეტოქისთვის გევრდის ავლას საშუალოდ 7,6-ჯერ ახერხებდა.