არაბულმა პირველი გოლით „ლამიას“ ქულა მოუტანა

0
6

ბაჩანა არაბულმა მიმდინარე სეზონში საბერძნეთის სუპერლიგაში თავისი პირველი გოლი გაიტანა და „ლამიას“ ქულა მოუტანა.

მე-8 ტურში ქართველი ფორვარდის გუნდმა „ატრომიტოსს“ უმასპინძლა და დაპირისპირება 2:2 დასრულდა.

არაბული სასტარტო შემადგენლობაში იყო და 79-ე წუთზე, როდესაც მისი გუნდი 1:2 აგებდა მეტოქის კარი აიღო.

ის გასულ სეზონშიც „ლამიაში“ გამოდიოდა და ზაფხულში, როდესაც კონტრაქტი ამოეწურა გუნდის დატოვებას გეგმავდა. თუმცა, საბოლოოდ, დარჩა და ახალი ერთწლიანი ხელშეკრულება გააფორმა.

მან ამ სეზონში საბერძნეთის ჩემპიონატში 5-ჯერ (2-ჯერ სასტარტოში) ითამაშა და თავი ერთხელ გამოიჩინა.

წინა სეზონში 27 წლის თავდამსხმელის ანგარიშზე 21 მატჩში გატანილი 4 გოლია.