საქართველოს თასის 1/2-ფინალის წყვილები ცნობილია – ფინალი ქუთაისში შედგება

0
4

29 ოქტომბერს, საქართველოს ფეხბურთის ფედერაციაში საქართველოს დავით ყიფიანის სახელობის თასის 2021 წლის გათამაშების ნახევარფინალური ეტაპის წილისყრა გაიმართა. მასში კრისტალბეთ ეროვნული ლიგის ოთხი გუნდი მონაწილეობდა.

წილისყრის შედეგად გუნდები შემდეგნაირად დაწყვილდნენ:

“შუქურა” (ქობულეთი) – “სამგურალი” (წყალტუბო)

“საბურთალო” – “დინამო” (ბათუმი)

დღევანდელ წილისყრაზე ასევე გაირკვა 2021 წლის საქართველოს დავით ყიფიანის სახელობის თასის ფინალური მასპინძელი ქალაქი და ნომინალური მასპინძელი გუნდი.

ფინალური მატჩი ქუთაისის რამაზ შენგელიას სახელობის სტადიონზე გაიმართება. მასპინძლის სტატუსით კი, ქობულეთის “შუქურასა” და წყალტუბოს “სამგურალის” წყვილში გამარჯვებული გუნდი ითამაშებს.

დავით ყიფიანის სახელობის თასის ნახევარფინალური ეტაპის შეხვედრები 24 ნოემბერს გაიმართება. გათამაშების დეტალური კალენდარი იხილეთ ბმულზე.

შეგახსენებთ, რომ შემდეგ ეტაპზე გამსვლელი გუნდები ერთმატჩიანი დაპირისპირებაში გამოვლინდებიან.