დავითაშვილის გუნდი როსტოვში განადგურდა

0
3

ტულას „არსენალი“, რომელშიც ზურიკო დავითაშვილი გამოდის, რუსეთის პრემიერ ლიგის მე-12 ტურში უშუალო კონკურენტთან უშანსოდ დამარცხდა.

ტულელები „როსტოვს“ ესტუმრნენ და ოთხი უპასუხო გოლი გაუშვეს. საქართველოს ეროვნული ნაკრების  შემტევი ნახევარმცველმა მოედანზე ორი ტაიმი გაატარა.

„არსენალი“ 12 ქულით 16-გუნდიან ჩემპიონატში მე-13 ადგილზეა.

ოდესის „ჩერნომორეცმა“ უკრაინის პრემიერ ლიგის მე-12 ტურში შინ „ლვოვს“ ვერ აჯობა – 1:1.

მასპინძლებში საქართველოს ნაკრების გარემარბმა გიორგი წიტაიშვილმა შეუცვლელად ითამაშა და 55-ე წუთზე გააფრთხილეს, ხოლო მის მსგავსად სასტარტოში მყოფი ბექა ვაჩიბერაძე 65-ე წუთზე „გააყვითლეს“, ხოლო ოთხ წუთში შეცვალეს.

„ჩერნომორეცი“ 7 ქულით 16-გუნდიან პრემიერ ლიგაში მეთოთხმეტეა.

დავით ვოლკოვის „ზირემ“ აზერბაიჯანის პრემიერ ლიგის მე-8 ტურში გასვლაზე ბაქოს „ნეფთჩისთან“ 1:2 წააგო. ქართველმა ფორვარდმა მე-60 წუთზე ყვითელი ბარათი მიიღო და მატჩის ბოლომდე არ შეუცვლიათ.