17-წლანდელებმა ისლანდიასთან გამარჯვების შანსი ხელიდან გაუშვეს

0
5

საქართველოს 17 წლამდე ფეხბურთელთა ნაკრებმა ევროპის 2022 წლის ჩემპიონატის შესარჩევი ციკლი ქულით დაიწყო.

გიორგი ჩიტაურის შეგირდებმა მე-4 ჯგუფში, რომელსაც უნგრეთი მასპინძლობს პირველი მატჩი ისლანდიასთან ჩააგტარა და მიუხედავად იმისა, რომ იგებდა, საბოლოოდ სამი ქულა ვერ აიღო.

ქართველებს ანგარიშის გახსნა 32-ე წუთზე შეეძლოთ, მაგრამ გიორგი ტაბატაძემ პენალტი ვერ გამოიყენა.

შეხვედრის 41-ე წუთზე ისლანდიელთა კარი თენგო ალიბეგაშვილმა გახსნა, რომელმაც მარცხენა ფლანგიდან ჩაწოდებული კუთხურის შემდეგ თავით გაიტანა. ძირითადი დროის დასრულებამდე 9 წუთით ადრე გუდიონსენმა სოსო კოპალიანის კარი აიღო და თავის გუნდს ქულა მოუტანა.

პარალელურად გამართულ თამაშში უნგრელებმა ესტონელები 3:0 დაამარცხეს და ჯგუფში გალიდერდნენ.

 

საქართველო – ისლანდია 1:1 (1:0)

22 ოქტომბერი. ბუდარიოში. „ბუდაიორში ვაროში“.

საქართველო: კოპალიანი, გობეშია, ნარიმანიძე, ხარჩილავა, სადღობელაშვილი,  ტაბატაძე (ბასილაძე, 88), სიგუა, ალიბეგაშვილი, პარკაძე (კარაევი, 82), ცეცხლაძე (ხაჩიძე, 74),  პარკინაშვილი.

მთავარი მწვრთნელი: გიორგი ჩიტაური

გოლი: 1:0 ალიბეგაშვილი (41), 1:1 გუდიონსენი (81)

ტაბატაძემ 32-ე წუთზე პენალტი ვერ გამოიყენა.

გაფრთხილება: გუდიონსენიმ (40), ალიბეგაშვილი (75),

მთავარი მსაჯი: ვ. შიმუსიკი (ბელარუსი)