ყაზაიშვილმა გაიტანა და აზიის ჩემპიონთა ლიგის 1/2-ფინალშია

0
4

“ულსან ჰიუნდაი”, სადაც ვაკო ყაზაიშვილი გამოდის, აზიის ჩემპიონთა ლიგის ნახევარფინალში გავიდა.

ნახენები ტურნირის 1/4-ფინალში სამხრეთ კორეული დერბი გაიმართა – “ულსანი” სტუმრად “ჩონბულ მოტორსს” დაუპირისპირდა და დამატებით დროში გაიმარჯვა.

ყაზაიშვილი სასტარტო შემადგენლობაში იყო და მე-13 წუთზე ანგარიში გახსნა. მასპინძლებმა საპასუხო ბურთი 39-ე წუთზე გაიტანეს.

პირველი ტაიმისთვის დამატებულ წუთზე სტუმრები ისევ დაწინაურდნენ, ხოლო “ჩონბუკმა” თანაფარდობა 48-ე წუთზე აღადგინა.

“ულსანმა” გამარჯვების გოლი 101 წუთზე გაიტანა, ხოლო ყაზაიშვილი 110-ე წუთზე შეცვალეს. საქართველოს ეროვნული ნაკრების შემტევმა ნახევარმცველმა ამ სეზონში ჩემპიონთა ლიგაში 7-ჯერ ითამაშა და მეტოქის კარი 4-ჯერ აიღო.

ყაზაიშვილის გუნდი 1/2-ფინალში ასევე სამხრეთ კორეის “პოჰან სთილერსს” დაუპირისპირდება.