ვაკო ყაზაიშვილმა სამხრეთ კორეის ჩემპიონატში მორიგი გოლი გაიტანა.
„ულსანი“, სადაც საქართველოს ეროვნული ნაკრების შემტევი ნახევარმცველი გამოდის, სტუმრად „პოჰანგ სტილერსს“ დაუპირისპირდა და 2:1 აჯობა.
ყაზაიშვილი სასტარტო შემადგენლობაში იყო და 51-ე წუთზე, როდესას მისი გუნდი 1:0 იგებდა, პენალტი გაიტანა.
მის ანგარიშზე 26 მატჩში გატანილი 7 გოლია და ყაზაიშვილმა „ულსანის“ შემადგენლობაში თერთმეტმეტრიანი პირველად შეასრულა.
აქვე გეტყვით, რომ სტუმრები 38-ე წუთზე დაწინაურდნენ, ხოლო მასპინძლებმა ერთადერთი გოლი 86-ე წუთზე მიითვალეს.
28 წლის ყაზაიშვილმა აზიის ჩემპიონთა ლიგაში 6-ჯერ ითამაშა და მეტოქეთა კარი 3-ჯერ აიღო. მისი გუნდი ნახსენები ტურნირის მეოთხედფინალშია.
