ბერიძის მესამე გოლი უნგრეთში, ბეგლარიშვილი სამი საგოლე პასი ესტონეთში

0
7

გიორგი ბერიძემ მიმდინარე სეზონში უნგრეთში თავის ანგარიშზე მეორე გოლი ჩაიწერა.

უნგრეთის თასის 1/32 ფინალში “უიპეშტი” სტუმრად “ტისაკეჩკეს” შეხვდა და 3:0 დაამარცხა.

ბერიძე სასტარტო შემადგენლობაში იყო და მე-60 წუთზე, როდესაც მისი გუნდი 2:0 იეგბდა, მეტოქის კარი აიღო. ამ სეზონში 24 წლის ფეხბურთელმა ჩემპიონატში 2 გოლი მიითვალა, ხოლო თასზე თავი ერთხელ გამოიჩინა.

ესტონეთის ჩემპიონატის 24-ე ტურში “ლევადიამ” შინ “ნარვა ტრანსს” 3:0 სძლია. მასპინძლებში შემტევმა ნახევარმცველმა ზაქარია ბეგლარიშვილმა შეუცვლელად ითამაშა და სამი საგოლე პასი მიითვალა.

მან მიმდინარე სეზონში “ლევადიას” რიგებში ესტონეთის ჩემპიონატში 23-ჯერ ითამაშა და 17 გოლი მიითვალა.

შეგახსენებთ, რომ ბეგლარიშვილმა ზაფხულში ესტონეთის მოქალაქეობა მიიღო.

“ლევადია” 61 ქულით ესტონეთის 10-გუნდიან ჩემპიონატს ლიდერობს.