17-წლამდელებმა ბერძნებთან მეორე მატჩიც ფრედ დაასრულეს

0
4

დღეს საქართველოს 17-წლამდე ვაჟთა ნაკრებმა, ბერძენი თანატოლების წინააღმდეგ მეორე ამხანაგური მატჩი მიხეილ მესხის სახელობის სტადიონზე ითამაშა.

ორი დღის წინ რუსთავში გამართული მატჩის მსგავსად ისევ საყაიმო ანგარიში დაფიქსირდა – 2:2.

მიხეილ მესხზე გამართულ მატჩში, ანგარიში 33-ე წუთზე გივი ხაჩიძემ თერთმეტმეტრიანი დარტყმით გახსნა.

ბერძნები კონსტანტინოს გუმასის და დიმიტრიოს კალოსკამისის გოლებით დაწინაურდნენ.

ძირითადი დროსთის დამატებულ მე-5  წუთზე გიორგი ტაბატაძემ ზუსტად შესრულებული საჯარიმო დარტყმით გაათანაბრა და საბოლოო ანგარიში დააფიქსირა.

შეგახსენებთ, რომ 17-წლამდე ვაჟთა ნაკრები, ევროპის ჩემპიონატის საკვალიფიკაციო რაუნდის ჯგუფური ეტაპის მატჩებს – 22, 25 და 28 ოქტომბერს უნგრეთში გამართავს.

საქართველო – საბერძნეთი 2:2 (1:0)

საქართველო: სოსო კოპალიანი, გელა სადღობელაშვილი, საბა ხარჩილავა, ალექსანდრე ნარიმანიძე, გიორგი ციხელაშვილი, თენგიზ გობეშია, გაბრიელ სიგუა, გივი ხაჩიძე, გიორგი რობაქიძე, გიორგი ფარცვანია, ნიკოლოზ ცეცხლაძე

შეცვლაზე შევიდნენ: გიორგი ტაბატაძე, ამინ კარაევი, გიორგი მაღრაძე, ლუკა პარკაძე, ალეკო ბასილაძე, გიორგი პარკინაშვილი
მთავარი მწვრთნელი: გიორგი ჩიტაური

გოლები: 1:0 გივი ხაჩიძე (33), 1:1 კონსტანტინოს გუმასი (53. დიმიტრიოს კალოსკამისის პასით), 1:2 დიმიტრიოს კალოსკამისი (76. კონსტანტინოს გუმასის პასით), 2:2 გიორგი ტაბატაძე (90+5)
მთავარი არბიტრი: ალეკო აფციაური