კანკავას საგოლე პასი, „სლოვანმა“ ქულები პირველად დაკარგა

0
5

ბრატისლავას „სლოვანმა“, სადაც ნახევარმცველი ჯაბა კანკავა და მცველი გურამ კაშია გამოდიან, მიმდინარე სეზონში სლოვაკეთის ჩემპიონატში პირველი თამაში ვერ მოიგო.

ბრატისლაველები სტუმრად „დუნაისკა სტრედას“ შეხვდნენ და ქულა აიღეს – 1:1.

მასპინძლები 72-ე წუთზე დაწინაურდნენ, ხოლო სტუმრებმა ანგარიში ორ წუთში გაათანაბრეს – კანკავას გადაცემით ზმრჰალმა გაიტანა.

საქართველოს ეროვნული ნაკრების კაპიტანმა შეუცვლელად ითამაშა, ისევე როგორც ვიცეკაპიტანმა კაშიამ.

ვლადიმირ ვაისის გაწვრთნილი გუნდი, რომელსაც ჯერ თამაში არ წაუგია, ჩემპიონატს 16 ქულით ლიდერობს.