„ბარსელონამ“ პიანიჩი „ბეშიქთაშში“ გაანათხოვრა

0
1

მირალემ პიანიჩი კარიერას თურქეთის სუპერლიგაში განაგრძობს.

„ბარსელონამ“ ბოსნიის ეროვნული ნაკრების ნახევარმცველი სტამბოლის „ბეშიქთაშში“ მიმდინარე სეზონის ბოლომდე გაანათხოვრა.

პიანიჩი თურქულ კლუბში 2021-2022 წლების სეზონის განმავლობაში 2,75 მილიონ ევროს მიიღებს.

31 წლის ბალკანელის განათხოვრებაში გასაკვირი არაფერია, რადგან გასულ სეზონში „ბარსელონაში“ რონალდ კუმანის დანიშვნის შემდეგ, მან 30 მატჩში მოედანზე მხოლოდ 1295 წუთი გაატარა.