აბურჯანიას დებიუტი „ბენფიკასთან“ შედგა

0
2

გიორგი აბურჯანიას დებიუტი პორტუგალიის პრიმეირა ლიგაში შედგა.

„ჟილ ვისენტე“, რომელსაც საქართველოს ეროვნული გუნდის ნახევარმცველი მიმდინარე ზაფხულში შეუერთდა, მე-3 ტურში „ბენფიკას“ უმასპინძლა და 0:2 დამარცხდა.

ქართველი ფეხბურთელი თამაშში 90-ე წუთზე ჩაერთო, როდესაც მატჩის ბედი ფაქტობრივად გადაწყვეტილი იყო.

თამაშის პირველი ტაიმი გატანილი გოლების გარეშე დასრულდა. 84-ე წუთზე ანგარიში ლუკას ვერისიმომ გახსნა, ხოლო ოთხ წუთში გრიმალდომ მასპინძლების კარი მეორედ აიღო.

„ჟილ ვისენტემ“ ახალ სეზონში პირველი თამაში წააგო და 6 ქულით 18-გუნდიან ჩემპიონატში მე-5 ადგილზეა.