„გენტი“ პოლონეთში დამარცხდა, ჩაკვეტაძემ შეცვლაზე ითამაშა

0
4

„გენტი“, რომლის შემადგენლობაში გიორგი ჩაკვეტაძე გამოდის, კონფერენს ლიგის პლეი-ოფის პირველ შეხვედრაში დამარცხდა.

ბელგიელები სტუმრად პოლონეთის „რაკუვთან“ 0:1 დამარცხდნენ. ჩაკვეტაძე „გენტის“ სასტარტო შემადგენლობაში არც ამჯერად იყო და თამაშში 68-ე წუთზე ჩაერთო.

მან მიმდინარე სეზონში კონფერენს ლიგაში მეორე თამაში ჩაატარა და ორი შემთხვევაში შეცვლაზე შევიდა.

განვლილი თამაშის პირველი ტაიმი უგოლოდ დასრულდა, ხოლო მასპინძლებმა ერთადერთი გოლი 64-ე წუთზე გაიტანეს.

ამ გუნდებს შორის საპასუხო თამაში ბელგიაში 26 აგვისტოს შედგება.