დავითაშვილის პირველი სრული მატჩი მიმდინარე სეზონში

0
3

ზურიკო დავითაშვილმა ტულას „არსენალის“ სასტარტო შემადგენლობაში მორიგი მატჩი ჩაატარა.

ტულელები რუსეთის პრემიერ ლიგის მე-4 ტურში სტუმრად „კრასნოდარს“ დაუპირისპირდნენ და 2:3 წააგეს. არადა, მე-10 წუთზე გატანილი გოლით იგებდნენ.

კრასნოდარელებმა 24-დან 37-ე წუთის ჩათვლით მეტოქეს 3 გოლი გაუტანეს. „არსენალმა“ ანგარიში ერთ ბურთამდე 86-ე წუთზე შეამცირეს.

საქართველოს ეროვნული ნაკრების შემტევი ნახევარმცველმა ამ სეზონში პირველად შეუცვლელად ითამაშა.

20 წლის დავითაშვილი „არსენალს“ სეზონის წინ შეურთდა და განვლილი 4 მატჩიდან ყველა სასტარტოში ჩაატარა.

„არსენალი“ 3 ქულით 16-გუნდიან ჩემპიონატში მე-13 ადგილზეა.