ხოჭოლავას სადებიუტო გოლი „კოპენჰაგენში“

0
2

დავით ხოჭოლავამ „კოპენჰაგენის“ მაისურით პირველი გოლი გაიტანა.

დანიის სუპერლიგის მთავარ დერბიში „კოპენჰაგენმა“ „ბრონდბიუს“ გულშემატკივრებით სავსე 38000-იან „პარკენზე“ უმასპინძლა და 4:2 გაიმარჯვა.

ხოჭოლავამ შეუცვლელად ითამაშა და პირველი ტაიმის ბოლო წუთზე, როდესაც ანგარიში 1:1 იყო, მასპინძლების ჩაწოდებული კუთხურის შემდეგ, საქართველოს ნაკრების მცველმა თავურით „კოპენჰაგენი“ დააწინაურა.

სტუმრებმა საპასუხო ბურთი ორ წუთში გაიტანეს, მაგრამ „კოპენჰაგენმა“ 69-ე და 81-ე წუთებზე მეტოქის კარი ორჯერ აიღო, რის წყალობით, 3 ქულა მოიპოვა.

კოპენჰაგენელები 8 ქულით 12-გუნდიან ჩემპიონატში მე-3 ადგილზეა.