ლოჩოშვილის ფრე, ვაჩიბერაძემ „ჩერნომორეცს“ უკაპიტნა, გაგნიძე არ ათამაშეს

0
2
WOLFSBERG, AUSTRIA - JULY 7: Luka Lochoshvili of Wolfsberger AC during RZ Pellets WAC - Teamphoto at Lavanttal-Arena on July 7, 2021 in Wolfsberg, Austria. (Photo by Markus Tobisch/SEPA.Media /Getty Images)

ავსტრიის ბუნდესლიგამ სტარტი აიღო და „ვოლფსბერგერმა“, რომელშიც ლუკა ლოჩოშვილთან ერთად გურამ გიორბელიძე გამოდის, სტუმრად „კლაგენფურტს“ დაუზავდა – 1:1.

ქართველი მცველებიდან სასტარტო შემადგენლობაში მხოლოდ ლოჩოშვილი იყო, რომელმაც შეუცვლელად ითამაშა, ხოლო საქართველოს ნაკრების მარცხენა მცველმა გიორბელიძემ ორი ტაიმი სათადარიგოთა სკამზე გაატარა.

„ვოლფსბერგერმა“ ანგარიში 26-ე წუთზე გახსნა, ხოლო მასპინძლებმა საპასუხო გოლი 90-ე წუთზე გაიტანეს.

უკრაინის პრემიერ ლიგაში დაბრუნებული ოდესის „ჩერნომორეცისთვის“ სეზონის პირველი მატჩი წარუმატებელი აღმოჩნდა, რადგან გასვლაზე ჩერნიგოვის „დესნასთან“ 0:3 წააგო.

ოდესელებს ნახევარცმველმა ბექა ვაჩიბერაძემ უკაპიტნა, რომელიც 59-ე წუთზე შეცვალეს, გიორგი წიტაიშვილი ტრავმირებულია და ამიტომ, „ჩერნომორეცს“ ვერ ეხმარება.

რუსეთის პრემიერ ლიგის პირველ ტურში ეკატერინბურგის „ურალი“ შინ „კრასნოდართან“ 0:3 დამარცხდა. მოსკოვის „დინამოდან“ განათხოვრებული 18 წლის ნახევარმცველი ლუკა გაგნიძე ეკატერინბურგელა თადარიგში იყო, მაგრამ არ უთამაშია.