ინგლისი ჯგუფიდან ანტირეკორდით გავიდა

0
2

ინგლისის ეროვნული ნაკრები ევრო-2020-ის 1/8-ფინალში ისე გავიდა, რომ გოლი არ გაუშვია.

D ჯგუფის ბოლო ტურში ლონდონში „უემბლის“ სტადიონზე ინგლისელები ჩეხეთს დაუპირისპირდნენ და 1:0 გაიმარჯვეს.

ბრიტანელთა შემადგენლობიდან ერთადერთი გოლი მე-12 წუთზე რაჰიმ სტერლინგმა გაიტანა.

აღსანიშნავია, რომ ინგლისელებმა ჯგუფში ორი მატჩი მინიმალური ანგარიშით მოიგეს და ორივე შემთხვევაში თავი სტერლინგმა გამოიჩინა.

ინგლისმა 3 მატჩში მეტოქეთა კარი მხოლოდ ორჯერ აიღო, რაც ევროპის ჩემპიონატების ისტორიაში ჯგუფის გამარჯვებულისთვის ანტირეკორდია.

ინგლისელებმა ჯგუფში ჩატარებულ სამ შეხვედრაშუ მეტოქის კარში ბურთი 22-ჯერ დაარტყა – ამაზე უარესი შედეგი მხოლოდ ფინეთს აქვს.

ჩეხეთმა 4 ქულით ჯგუფში მე-3 ადგილი დაიკავა, მაგრამ 1/8-ფინალში მაინც გავიდა.