ლაპორტამ „ბარსელონაში“ კუმანის დარჩენა დაადასტურა

0
9

რონალდ კუმანმა „ბარსელონას“ მთავარი მწვრთნელის თანამდებობა შეინარჩუნა.

ამის შესახებ კატალონიური გრანდის პრეზიდენტმა ხუან ლაპორტამ დაადასტურა.

„გარკვეული პერიოდის განმავლობაში ფიქრის შემდეგ რონალდ კუმანთან თანამშრომლობის გაგრძელება გადავწყვიტეთ. მას მოქმედი კონტრაქტი აქვს“ -იუწყება ლაპორტას ნათქვამს „ბარსელონას“ ოფიციალური ტვიტერი.

კუმანმა შარშან ზაფხულში ნიდერლანდების ეროვნული ნაკრების მთავარი მწვრთნელის თანამდებობა დატოვა, რათა „ბარსელონა“ გაეწვრთნა.

მისი ხელმძღვანელობით კატალონიელებმა ესპანეთის ლა ლიგაში მე-3 ადგილი დაიკავეს, ესპანეთის თასი მოიგეს და ჩემპიონთა ლიგის 1/8-ფინალიდან გავარდნენ.