ანჩელოტი “რეალში” დაბრუნდა

0
6

მადრიდის “რეალმა” მთავარი მწვრთნელის თანამდებობაზე კარლო ანჩელოტი დანიშნა.

62 წლის იტალიელმა სპეციალისტმა კლუბთან კონტრაქტი 2024 წლამდე გააფორმა.

ანჩელოტი 2013-2015 წლებში მუშაობდა და გუნდს ჩემპიონთა ლიგა, ესპანეთის თასი, ევროპის სუპერთასი და მსოფლიო საკლუბო ჩემპიონატი მოაგებინა.

ის ბოლოს ინგლისის “ევერტონს” ავარჯიშებდა – 2019-2021 წლებში.

ანჩელოტიმ ფრანგი ზინედინ ზიდანი შეცვალა, რომელმაც მიმდინარე სეზონის შემდეგ კლუბი თავისი სურვილით დატოვა.

“რეალში” ანჩელოტის ერთ-ერთი ასისტენტი მადრიდელტა და ესპანეთის ეროვნული ნაკრების ყოფილი მცველი ალვარო არბელოა იქნება.

აღსანიშნავია, რომ ბოლო 11 წლის მანძილზე პირველად “რეალი” ტიტულის გარეშე დარჩა – ესპანეთის ლა ლიგაში მე-2 ადგილზე გავიდა, ხოლო ჩემპიონთა ლიგის ნახევარფინალში ლონდონის “ჩელსისთან” 2 მატჩის ჯამში დამარცხდა.