„ბაიერნი“ ზედიზედ მეცხრედ გაჩემპიონდა, ლევანდოვსკის 201 გოლი

0
9

მიუნხენის „ბაიერნმა“ შინ მიონხენგლადბახის „ბორუსია“ 6:0 დაამარცხა და გერმანიის ბუნდესლიგა ზედიზედ მეცხრედ მოიგო.

ბავარიელებმა ევროპის ტოპ-5 ლიგაში ტურინის „იუვენტუსის“ რეკორდი გაიმეორეს.

მათ შემდეგ წამყვან ევროპულ ლიგებში მიჯრით ყველაზე მეტჯერ ჩემპიონი ფრანგული „ლიონი“ გახდა – 7.

ესპანეთში რეკორდი მადრიდის „რეალს“ ეკუთვნის – ზედიზედ 5 ჩემპიონობა.

პრემიერ ლიგაში, რომელიც 1992 წლიდან ტარდება რეკორდსმენია „მანჩესტერ იუნაიტედია“, რომელმაც ოქროს მედლები მიყოლებით სამი სეზონი არავის დაუთმო.

საერთო ჯამში “ბაიერნმა” გერმანიის ბუნდესლიგა 31-ედ მოიგო, რაც რეკორდია, რომელსაც უახლოს პერიოდში ნაკლებად თუ ვინმე გაიმეორებს.

მიონხენგლადბახელებთან შეხვედრაში პოლონელმა ფორვარდმა რობერტ ლევანდოვსკისნ სამი გოლი გაიტანა. მან მიმდინარე სეზონში ბუნდესლიგაში ჩატარებულ 27 შეხვედრაში მეტოქეთა კარი 39-ჯერ აიღო.

ლევანდოვსკიმ „ბაიერნის“ მაისურით გერმანიის ჩემპიონატში თავი 201 გოლ მოუყარა. ბუნდესლიგის ისტორიაში ერთი კლუბის რიგებში მასზე მეტჯერ მეტოქეები ბავარიელთა ექსფორვარდმა გერდ მიულერმა დაამწუხრა – 365-ჯერ.

“ბაიერნის”ფეხბურთელებმა თომას მიულერმა და დავიდ ალაბამ ბუნდესლიგა 10-10-ჯერ მოიგეს, რაც რეკორდია.

“ბაიერნის” ნახევარმცველმა კინგსლი კომანმა 24 წლის ასაკში 21 ტიტული მოიგო. ის 6-ჯერ გერმანიის ჩემპიონი გახდა, 3-ჯერ გერმანიის თასი მოიპოვა, 2-ჯერ ქვეყნის სუპერთასი და ერთხელ ჩემპიონთა ლიგა.

პსჟ-ს რიგებში საფრანგეთის პირველობა მოიგო, ხოლო თითოჯერ საფრანგეთის თასი და ლიგის თასი.

კომანი “იუვენტუსთან” ერთად ერთხელ იტალიის ჩემპიონატი მოიგო, ხოლო ამდენჯერვე იტალიის თასზე და სუპერთასზე გაიმარჯვა.