“საბურთალომ” წაუგებელი სერია გაახანგრძლივა

0
2

თბილისის „საბურთალომ“ კრისტალბეთ ეროვნულ ლიგაში ზედიზედ მესამე თამაში მოიგო.

მე-11 ტურში ხვიჩა შუბითიძის გაწვრთნილებმა წყალტუბოს „სამგურალი“ მიიღეს და 2:0 დაამარცხეს.

შეხვედრის მე-16 წუთზე ანგარიში მასპინძელთა მოლდოველმა ლეგიონერმა დმიტრი მანდრიჩენკომ გახსნა, რომელმაც მარცხნიდან საჯარიმოში შეჭრილი გიორგი ლაცაბიძის პასის მერე, თავის ქართულ კარიერაში მეოთხე ბურთი გაიტანა.

51-ე წუთზე ლაცაბიძემ მარცხენა ფლანგიდან კუთხუი ჩააწოდა და იური ტაბატაძემ მაღალ ნახტომში თავით მეტოქის კარი ეგფექტურად აიღო. მან მიმდინარე გათამაშებაში მეექვსე გოლი მიითვალა.

„საბურთალომ“ ჩემპიონატში ჩატარებული ბოლო 5 თამაშიდან 4 მოიგო და 1 ფრედ დაასრულა, საერთო ჯამში კი, გუნდის წაუგებელი სერია ზედიზედ 7 შეხვედრისგან შედგება.