„კიოლნს“ ახალი მთავარი მწვრთნელი ჰყავს

კლუბის ოფიციალური ვებგვერდის ინფორმაციით, 67 წლის სპეციალისტმა კონტრაქტი მიმდინარე სეზონის ბოლომდე გააფორმა.

მან მარკუს გისდოლი შეცვალა, რომელიც „კიოლნის“ ხელმძღვანელებმა თანამდებობიდან დღეს დილას დაითხოვეს. გისდოლის თავკაცობით გუნდმა ბოლო 8 თამასიდან 6 წააგო და 2 ფრედ დაასრულა.

ფუნკელი „კიოლნს“ სათავეში მეორედ ჩაუდგება – ის პირველად გუნდს 2002 წლის თებერვლიდან 2003 წლის ოქტომბრამდე ავარჯიშებდა. ასევე, ფუნკელს კარიერის განმავლობაში „აინტრახტი“, „ჰერტა“ და „ბოხუმი“ გაუწვრთნია, ხოლო „კიოლნში“ დანიშვნამდე ბოლოს „ფორტუნას“ ავარჯიშებდა.

28 ტურის შემდეგ, „კიოლნი“ 18-გუნდიან ბუნდესლიგაში მე-17 ადგილზეა.