დიეგო კოსტა „ბენფიკაში“ ითამაშებს

0
8

მადრიდის „ატლეტიკოს“ ყოფილი თავდამსხმელი დიეგო კოსტა დიდი ალბათობით კარიერას ლისაბონის „ბენფიკაში“ გააგრძელებს.

გამოცემა Mundo Deportivo-ს ინფორმაციით პორტუგალიურ გრანდსა და 32 წლის ესპანელ ფორვარდს შორის მომავალი თანამშრომლობის თაობაზე პრინციპული შეთანხმება მიღწეულია.

ფეხბურთელი კლუბთან 2-წლიან კონტრაქტს გააფორმებს და მისი ხელფასი წელიწადში 2 მილიონი ევრო იქნება. ამასთანავე, ის “ბენფიკაში” გადასვლის თანხმობის სანაცვლოდ წინასწარ 3 მილიონ ევროს მიიღებს.

კოსტამ იანვარში მადრიდის „ატლეტიკოსთან“ კონტრაქტი გაწყვიტა და დღემდე თავისუფალი აგენტია. თუ რამე გაუთვალისწინებელი არ მოხდა, ის ლისაბონელებს ზაფხულში შეურთდება.

კოსტამ ამ სეზონში მადრიდელთა მაისურით ყველა ტურნირზე 7 მატჩი ჩაატარა და 2 გოლი გაიტანა.