„სევილიას“ მეკარე ლა ლიგის ისტორიაში შევიდა

0
4

„სევილიას“ მაროკოელი კარის დარაჯი იასინ ბუნუ ესპანეთის ჩემპიონატის ისტორიაში შევიდა.

ტურნირის 28-ე ტურში სევილიელები სტუმრად „ვალიადოლიდს“ შეხვდნენ და ქულა აიღეს – 1:1.

მსაჯის მიერ ძირითადო დროსთვის დამატებულ მე-4 წუთზე სტუმრებმა კუთხური ჩააწოდეს და მეტოქის საჯარიმოში ჩასულმა ბუნუმ ანგარიში გაათანაბრა.

ის ლა ლიგის ისტორიაში მე-18 მეკარეა, რომელმაც გოლი გაიტანა. აღსანიშნავია, რომ იმ 18 გოლიდან თამაშიდან მხოლოდ 3 გავიდა, ხოლო დანარჩენი -თერთმეტმეტრიანებიდან.

მიმდინარე სეზონი ლა ლიგაში პირველია, როდესაც მეტოქის კარი ერთბაშადა ორმა მეკარემ აიღო.

ბუნუმდე თავი „ეიბარის“ სერბმა მეკარე მარკო დმიტროვიჩმა გამოიჩინა, რომელმაც მადრიდის „ატლეტიკოსთან“ პენალტი გაიტანა და გუნდს ქულა მოუტანა.